Klukk

Það er einhver stórundarlegur "bloggleikur" í gangi sem gengur út á að klukka aðra bloggara og þegar maður er klukkaður á maður að skrifa fimm tilgangslausa hluti um sjálfan sig og klukka svo þrjá aðra. Og nú hef ég verið klukkaður. Ég vil að sjálfsögðu ekki vera félagsskítur þannig að hér eru fimm tilgangslausar staðreyndir um mig:

1. Ég er latur og ég nenni ekki að raka mig oftar en tvisvar í viku í mesta lagi en oft líður mun lengra á milli.

2. Mér leiðist að gefa þjórfé. Ekki að ég geti ekki séð af þeim peningi sem fer til þjónustufólksins, ég nenni bara aldrei að reikna út eðlilegt og sanngjarnt þjórfé og mér finnst að ég eigi ekki að þurfa að vera að því (I'm the goddamn customer...).

3. Ég er haldinn fordómum í garð fólks í Comparative Literature sem sér reðurtákn úti um allt (sem mér finnst segja meira um það sjálft en textana sem það les) og heldur að það séu rittengsl á milli 4. bókar Eneasarkviðu Virgils og Antígónu Sófóklesar af því að í báðum verkum eru tvær systur að tala saman (eins og það sé eitthvert bókmenntaminni).

4. Ég átti einu sinni hund og ég ætla að fá mér hund aftur... einhvern tímann (vonandi sem fyrst).

5. Mér leiðist ekki að vaska upp; þvert á móti finnst mér það afslappandi.

Þannig var nú það. Nú "klukka" ég heimspekingana Elmar Geir Unnsteinsson, Gunnar Sigvaldason og Hrafn Ásgeirsson (enda mættu þeir allir vera duglegri að blogga).