Hitnar í kolunum

Nú er aldeilis farið að hitna hér í New Jersey ríki og það sem verra er, rakinn farinn að verða meiri. Þetta er andstyggilegt. Ég sakna þess að ganga um í marrandi snjónum og vera kalt.

Ég sat drepleiðinlegan fyrirlestur í gær um íþróttamenn á aþenskum vösum. Fyrirlesarinn talaði með ýktasta breska hreim sem ég hef heyrt og ég efast um að þessi hreimur sé raunverulegur. Þá var fíflið ekki í samstæðum skóm. Mér líður illa ef ég er í ósamstæðum sokkum. Annar skórinn hans var eldrauður en ekki hinn. Dökk jakkaföt og einn eldrauður skór! Mig langaði að berja manninn.