L'Islande douze points

Já, við Íslendingar sigruðum í söngvakeppni evrópskra sjónvarpsstöðva; að minnsta kosti dreymi mig það í nótt. Og hvernig fórum við að því? Jú, við sendum Auðun Blöndal sem okkar fulltrúa og hann stóð uppi á sviði í einhverjum stiga fyrir ofan bar með fjólubláu ljósi og söng sig inn í hjörtu áhorfenda. Pétur og Sveppi voru ekki með sem dansarar á sviðinu, enda væri þá óhugsandi að við hefðum sigrað - meira að segja í steiktum draumi.

Já, draumar eru furðuleg fyrirbæri. En ég veit það ekki, kannski ættum við bara að senda strákana næst? Svei mér þá ef ég hef ekki heyrt verri hugmyndir.