Heimkoma í sumar

Lítur út fyrir að ég komi heim í sumar, þrátt fyrir allt. Stoppa raunar stutt en vika er betra en ekki neitt. Ég er svo heppinn að fá að kenna aftur í háskóla ungafólksins í sumar. Það var býsna skemmtilegt í fyrra og ég hlakka því til að gera það aftur. Í ár bætist Rómarsaga við latínuna. Veltur vitaskuld á skráningu en ég býst við að einhverjir krakkalakkar hafi áhuga á að fræðast um sturlaða steggi á keisarastóli.

Kötturinn er farinn að sýna sitt rétta eðli. Og viti menn hann er hedónisti. Ég vissi það svo sem allan tímann.