Túristar í New York

Nú eru gestirnir farnir. Seinni hluta vikunnar vörðum við í New York þar sem við brugðum okkur í gervi túrista. Gistum á hóteli og fórum í túristaferðir um borgina bæði í rútum og á bát. Skelltum okkur líka á Broadway sýningu - sáum Spamalot, sem var alveg hreint ágæt skemmtun. Nú eru aftur á móti allir farnir og ég einn eftir með kisunni. Framundan er enn eitt sumarið - heitt og rakt - sem verður varið í lestur góðra bóka með tilheyrandi taugaveiklun um að ná ekki að lesa nema brotabrot af því sem ég hefði helst þurft að vera búinn að lesa í gær.