Ull

Ullarpeysuuppátækið þeirra í Íslandi í bítið náði athygli Bandaríkjamanna en um þetta var fjallað í útvarpinu í gærkvöldi. Held að þeim hafi þótt þetta stórmerkilegt.

Um daginn rákum við annars augun í íslenska ullarpeysu í verslun hér í Princeton en hún var samt flutt inn frá Serbíu. Er það ekki frekar skrítið að Serbar séu að framleiða úr íslenskri ull fyrir Bandaríkjamarkað? Kannski ekki eins skrítið og vettlingarnir sem við sáum sem voru "imported from Michigan". Ætli Kea-skyr teljist innflutt matvæli í Reykjavík?